صبح و شام کی دعائیں

مفہومہم نے صبح کی اور بادشاہی اللہ ہی کی ہے۔ سب تعریف اللہ کے لیے ہے۔ اللہ کے سوا کوئی معبود نہیں، وہ اکیلا ہے، اس کا کوئی شریک نہیں؛ اُسی کی بادشاہی ہے اور اُسی کے لیے تعریف ہے، اور وہ ہر چیز پر قادر ہے۔ اے میرے رب! میں تجھ سے اِس دن کی بھلائی اور اس کے بعد کی بھلائی مانگتا ہوں، اور اِس دن کے شر اور اس کے بعد کے شر سے تیری پناہ چاہتا ہوں۔

ماخذ:مسلم — شام کو کہیں: أَمْسَيْنَا وَأَمْسَى الْمُلْكُ لِلَّهِ

مفہوماے اللہ! تیری ہی مدد سے ہم نے صبح کی اور تیری ہی مدد سے شام کی، تیرے ہی حکم سے ہم جیتے ہیں اور تیرے ہی حکم سے مرتے ہیں، اور تیری ہی طرف اٹھایا جانا ہے۔

ماخذ:ترمذی (حسن)

مفہوماے اللہ! جو نعمت بھی صبح کے وقت مجھے یا تیری مخلوق میں سے کسی کو ملی، وہ تیری ہی طرف سے ہے، تیرا کوئی شریک نہیں۔ پس تیرے ہی لیے حمد ہے اور تیرا ہی شکر ہے۔

ماخذ:ابو داؤد (حسن)

مفہوماے اللہ! میں نے صبح کی اِس حال میں کہ میں تجھے گواہ بناتا ہوں، اور تیرے عرش کے اٹھانے والوں کو، تیرے فرشتوں کو اور تیری تمام مخلوق کو گواہ بناتا ہوں کہ تُو ہی اللہ ہے، تیرے سوا کوئی معبود نہیں، تُو اکیلا ہے، تیرا کوئی شریک نہیں، اور یہ کہ محمد ﷺ تیرے بندے اور تیرے رسول ہیں۔

ماخذ:ابو داؤد و ترمذی